Mikel Gartzia iruindarra Perun hil zen mendiko istripu batean, Ausangate mendikatean. Eskalatzera joana zen Ana Mari Lopez emaztearekin, eta ekainaren 11ko goizaldean elur jauzi batek harrapatu zituen kanpin dendan lo zirela. Gartziarekin mendiko laguntzailea ere hil zen. Lopezek, ordea, bizirik ateratzea lortu zuen, eta erreskate zerbitzuak ohartarazi zituen. Mikel Gartzia Lopez de Sabando Malerrekako euskara teknikaria zen azken 12 urteetan; Donezteben egiten zuen lan eta 40 urte zituen. Tartean, bi urteko eszedentzian izan zen, Nafarroako Parlamentuan itzultzaile lanetan aritzeko. Ezbeharrak nahigabea eta samina sortu du batez ere Malerreka inguruan, aski ezaguna baitzen ikastetxe eta euskaltzaleen artean.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun