Nafarroako Gobernuak 2011-2012 ikasturterako deitutako euskarazko eskola-lehiaketen sariak banatu zituen ekainaren 8an. Aurkeztutako 1.570 lanen artean, 23 saritu dituzte eta aunitz eskualdekoak dira. Narratiba-mailan, Leitzako Erleta ikastetxeko Leire Erbitik bigarren saria eskuratu du Lehen Hezkuntzan eta Berako Labiaga ikastolako Ainhoa Aguilarrek bigarren saria lortu du Bigarren Hezkuntzako lehen zikloan. Deklamazio, irrati-gidoi eta podcast lehiaketan, Erleta ikastetxeko Lehen Hezkuntzako hirugarren ziklokoen Txori basoko banda txikia izan da saritua. Azkenik, bertso idatzien lehiaketan, Berako Ricardo Barojako Lorena Perez (Lehen Hezkuntzako bigarren zikloa) eta Erleta eskolako Oiher Altzelai (Lehen Hezkuntzako hirugarren zikloa) sarituak izan dira.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun