Doneztebe futbol taldeak ez du duela hiru urte egin zuen balentria errepikatzerik izanen. Orduan, Nafarroako erregionaleko kopa irabazi zuen eta aurten finalerdietan gelditu da. Larunbatean jokatu zuen partida Iruñeko Unibertsitate Publikoan San Ignacioren kontra eta 1-0 nagusitu ziren hiriburukoak.
Doneztebe Futbol Taldea baja aunitzekin joan zen Iruñera, baina halere ongi egin zion aurre San Ignaciori lehenbiziko zatian. Bigarren zatiaren erditsuan egin zuten gola San Ignaciokoek eta Doneztebek ezin izan zion buelta eman. Gainera, jokalari bat guttiagorekin akitu zuen denboraldia Doneztebeko taldeak, Ibai egotzi baitzuen epaileak.
San Ignaciok eta Muskariak jokatuko dute erregionaleko koparen finala.