Madonnaren mundu biran parte hartzen ari da Jean Michel Bereau senpertarra

Senperen nork ez du ezagutzen Jean Michel Bereau? Euskal dantza­ria, kantaria, aktorea, musikaria, Kukumiku musika taldeko kidea, umore zalea, Kalakan taldeko musikaria... orain­ munduan barna ere ezagutuko dute Madonnarekin kantatzen hasi baita. Pop musikaren izarrak Kalakan hiru­kote euskalduna ezagu­tu zuen iazko udan Getariko udako etxe ba­tean­ ospatu zen bere ur­tebetetze gauean. Kalakan taldeak musika jo zuen Madonnaren ohoretan eta izarrari bereha­la gustatu zitzaion euskal musika. Biharamunean, Mado­nnak­ euskal hirukotea deitu zuen­ telefonoz azaltzeko ikusgarri be­rria presta­tzen ari zela eta haiekin lan egiteko prest zela! Geroztik lotura atxiki dute eta azkenean Mado­nnak proposatu die harekin parte hartzea munduan barna egiten ari den biran. Proposatu eta egin, eta geroztik sarean ez da bertzerik aipatzen: amerikarrak Aldapeko kantu ezaguna eta euskal dantza urra­tsak taularatu dituela Sagarra Jo oihukatuz. Irudiek mundu osoaren itzu­lia egin dute eta Senperen ere, nola ez, ez da ber­tzerik aipatzen...

Kolaborazio artistiko harrigarri hunen inguruan sekretu haundia izan da hastapenean artistek konfidentzialitate osoa atxiki behar baitzu­ten lehenik. Martxo hastapenean, Jean Michel Bereau, Xan Errotabehere eta Thierry Bisca­rri Euskal Herritik New Yorkerat joan ziren ikusgarria prestatzerat isilean, kasik inori aipatu gabe. Hiru artistek lan haundia eta zalantzak izan dituzte baina gusturat daude pop izarrak errespetu haundia diela­ko eta harreman oso ona baitute. Hiru mutikoek diotenez ez dute oraino­ arras neurtzen gerta­tzen ari dena baina oraingoz­ nahi dute gozatu eta pozik daude errespeta­tuak sentitzen direlako.

Tel Aviv, Abu Dhabi eta Istanbulen ondotik, ondoko egunetan Ita­lian­ eta Bartzelonan agertuko dira. Hiru artis­ten familiak Kataluniako hiribururat joatekoak­ dira. Bertzalde, uztailaren 14an Parisen eskainiko dute beren kontzer­tua eta baliteke Jean Michelen lagun frango harat joatea. 2012 bukaera arte, mundu osoan barna laurogoi bat kon­tzertu eskainiko dituzte Madonnak eta Kalakan hirukoteak, eta tartean Jean Michel Bereauk.