Enpresa ttiki eta ertainei eta oro har herritarrei zuzendutako zerbitzu telematikoa paratu du martxan Cederna-Garalur elkarteak, bereziki, Ziurtagiri eta Nortasun Agiri elektronikoari buruz eta kuadeaketa elektronikoaren inguruan informazioa emateko. Leitzaldearen kasuan, Lekunberriko tren-geltokian, Plazaolan, eskainiko da zerbitzua astearteetan. Aitzinetik ordua hartu behar da 948 567010ra deituz edo mimaz@ceder na.es-era idatziz. Bortzirietan, Alkaiaga industrialdean eskainiko da zerbitzua astelehenetan. Eta Malerrekan, Doneztebeko Turismo-bulegoan izanen da zerbitzua, astearteetan. Azken bi kasu hauetan ere aitzinetik hartu behar da hitzordua 948 625122ra deituta edo bidasoa.admon@cederna.es-era idatzita.
Ikastaroak
Ziurtagiri digitala eta Nortasun Agiri Elektronikoa ezagutzeko ikastaroak ere antolatu ditu Cedernak. Ekainaren 4an Alkaiagan egin zen ikastaroa, hilaren 5 eta 7an Lekunberrin, ekainaren 12an Donezteben eta ekainaren 19an Elizondoko Eskiz informatika zentroan eginen da, 10:00etatik 12:00etara. Izen-ematea: 948 625122 edo bidasoa.admon@ cederna.es.