Urriaz geroztik irekita egon den ziber liburutegiak joan den ekainaren 1ean itxi zituen ateak. Egun horretan, despedida gisa, Izaskunen eskutik, merendola bat egin zuten parkean eta haur andana elkartu zen. Elkarrekin arratsalde ederra pasatu zuten merendolan.
Orain, uda osoan itxita egonen da eta hurrengo ikasturtean, urrian, berriz irekiko dute. Orduan ere Izaskun izanen da ziber liburutegiko arduraduna.
Aipatu, bertzalde, ikasturte honetan hainbat gauza egiteko aukera izan dutela neska-mutikoek: margotzen aritu dira, gantxoak egin dituzte, eskulanak... Momentu atseginak pasatu dituzte eskulan horiek egin bidenabar. Eta denda bat ere zabaldu dute egindako gauzak saltzen paratuz eta materialak erosteko modua eskainiz.
Baina orain, hurrengo urrira arte aio erratea baino ez da gelditzen.