Ulibeltzak Mendi Taldeak Otsagabira joateko ateraldia antolatu du. Ekainaren 24an izanen da eta joan nahi dutenendako bi aukera eskainiko dituzte. Alde batetik, mendian ibiltzeko aukera izanen da, Taplatik Otsagabirako hamabi kilometroak oinez eginez. Bertzelako aukera nahiago dutenek Otsagabitik Muzkilda ermitara autobusez joateko modua izanen dute.
Ondotik denek elkarrekin Kixkia sagardotegian bazkalduko dute, sagardotegiko menuarekin. Bazkariak 30 euro eta autobusak 12 euro balio ditu eta apuntatzeko epea ekainaren 17an akituko da. Irteeraren egunean, berriz, 07:00etan aterako dira plazatik.