Urtero bezala, ikasturtea amaierarekin batera Nafarroako Bertso Eskolek beren eguna ospatu zuten, Larraintzaren. Ikasturtean zehar Nafarroako bertso eskoletan aritu diren haur eta gaztetxoak bertako eskolan elkartu ziren ekainaren 9an, eta giro onean eman zuten larunbateko egun osoa.
Leitzarrak nagusi 14 urte artekoan
Hainbat jolas eta ekimen egiteaz gain, aurtengo Nafarroako Eskolarteko bertsolari txapelketak egin ziren Larraintzarren.
Goizean, 14 urte artekoa egin zen eta Joanes Ilarregi leitzarrak eraman zuen txapela. Bigarren sailkatua ere leitzarra izan zen, Beñat Altzelai.
Arratsaldez, berriz, 14 eta 18 urte bitarteko eskolartekoa egin zen, bederatzi parte-hartzailerekin. Barañaingo Mikel Lasartek jantzi zuen txapela eta bigarren postua Maddalen Lopez lesakarrentzat izan zen.
Lau bertsolari gazteok Nafarroako ordezkariak izanen dira ekainaren 16an Agurainen egin den Euskal Herriko txapelketan.