Eskualdeko taldeko kirolari gehienak atseden hartzen ari badira ere, futbolean Nafarroako Erregionaleko lehen mailako kopa oraindik jokoan dago. Final zortzirenetako kanporaketan Doneztebe eta Aurrera izan ziren aurrez aurre Iñaki Indart zelaian eta doneztebarrek 3 eta 1 irabazi zieten leitzarrei.
Emaitzak erakusten duena baina partida berdinduagoa izan zen Doneztebekoa eta atsedenaldira husnako berdinketarekin ailegatu ziren. Bigarren zati hasieran Aitor Bertizek aitzindu zituen etxekoak, baina leitzarrek abudo berdintzea lortu zuten. Berriz ere Jon Apeztegiak aitzinetik paratu zituen doneztebarrak eta partida kasik akitua zegoenean, Irail Zestau jubenilaren golak erabaki zuen partida: 3 eta 1 doneztebarrentzat eta final laurdenetan izanen dira.