Kadete mailako Espainiako atletismo txapelketak jokatu ziren ekaineko lehen asteburuan Zaragozan eta iaz bezala, 300 metroko lasterketan urrezko domina lortu du Ane Petrirena, 15 urteko sunbildarrak.
Iaz ere Espainiako txapeldun suertatu zen Petrirena modalitate berean. Gainera, 1989tik indarrean zegoen marka haustea lortu zuen, 40 segundu eta 82 zentesimako denborarekin. Aurten, kadete mailako bere bigarren eta azken urtean oraindik marka hobea ezartzea lortu du, 40 segundu eta 19 zentesimatan egin baitzituen 300 metroak.
Beraz, aurten ere Nafarroako marka gaindituta lortu zuen Espainiako txapelketa irabazi eta urrezko domina golkoratzea (40:19). Valentziako Andrea Verdúk eta Gaztela-Mantxako Herminia Parrak osatu zuten podiuma.