Nafarroako Gobernuaren eta Pirinio Atlatikoetako Kontseilu Nagusiaren Gevert lankidetza-proiektuaren barne, Arrantza Jasangarriaren Jardunaldiak eginen dira larunbatean, ekainak 2, Doneztebeko zineman.
Larunbat goizeko 10:00etan emanen zaie hasiera, arrantza tekniken ikastarorako izena emateko epea zabalduz. 10:30ean Nafarroako Pirinioa, ametsetako arrantza dokumentala aurkeztuko dute. 10:30etik 13:30era Arrantza jasangarria Nafarroa Garaian erakusketa ikusgai egonen da. Aldi berean, 10:30etik 12:15era arrantza eskola martxan egonen da, arrantzatzeko teknikak erakutsiz. 10:30etik 12:00etara euliak egiteko moduen erakusketa eginen da. 12:15ean aipatutako dokumentala ikusgai izanen da berriz. 12:30ean Lances que cogen truchas hitzaldia eskainiko du Karlos Azpilikuetak.