Azken urteetan bezala, aurten ere Bestaberri Egunean gazta lehiaketa egitea erabaki du Udalak, eta halaxe eginen du. Ekainaren 10ean izanen da.
Joan den urtean, zortzi izan ziren aurkeztutako gaztak eta horien artean, Elizagaineko Lurdes Elizalderena aukeratu zuen epaimahaiak. Ea hirugarren edizio honetan zenbat gazta aurkezten diren. Udal ordezkariak arduratuko dira gaztak biltzeaz.
Bestaberri egunean, herriaren kontura udal ordezkariek bazkaria egin ohi dute, baina aurten ez egitea erabaki du Udalak, azken aldian jai asko juntatu direlako.
Herritarrei eskainitako berendua, ordea, eginen da. Lehiaketako gaztak aprobetxatuz, arratsaldean berendua izanen da eta ilunabar aldera, musika ere izanen da giroa alaitzeko.