Azken aldian, hezkuntzan ez dugu berri onik. Murrizketak gora eta behera, ikasleen ratioa haunditu, irakasleei lanordu gehiago... Orduan eta kolpe haundiagoa hezkuntzari. Honen harira, Pulunpako eskolako irakasleak, Malerreka, Bortziriak eta Baztango eskola ttikietako irakasleekin bilerak ari dira egiten protestak antolatzeko. Hainbat mobilizazio antolatu dituzte eta tartean, ortziralean Malerrekako eskola ttikietako gurasoekin bilera egitekoa dute Sunbillan sei zuzendariek eta koordinatzaileak.
Bertzalde, Pulunpa eskolako irakasle, ikasle eta gurasoak astelehen, asteazken eta ortziraletan 08:50ean Iturengo plazan hamar minutuko elkarretaratzeak egiten ari dira eta aste honetan greba eginen dute bertze eskolekin batera, guttieneko zerbitzuak eskainiz. Horrez gain, maiatzaren 25ean, eskolako gela herriko plazara ateratzekoa zuten eta klasea plazan eman. Atxikimendua adierazteko sinadura bilketa ere jarriko dute martxan eta eskolan edo herriko komertzioetan sinatzen ahalko da.
Akitzeko, eskutitzak ere bidaliko dituzte Hezkuntza Sailera, Guraso Elkartearen izenean, irakasleen izenean... Aski baita murrizketekin.