Urtero bezala, aurtengoan ere Lekaroz eta Doneztebeko institutuetako ikasleak bi herri hauetan bilduko dira musika arloan ikasturtean zehar ikasi eta landutakoa eskaintzeko asmotan. Maiatzaren 25ean, ortziralean, Lekarozeko institutuko kiroldegian eskainiko dute emanaldia arratsaldeko 17:00etan eta maiatzaren 30ean, asteazkenean, Doneztebeko pilotalekuan arratsaldeko 17:00etan.
Kantutegiari dagokionez mota desberdinetako abestiak entzuteko aukera izanen da: euskal abestiak, rock estiloko abestiak eta ikasleek asmatutako abesti bat ere izanen da entzungai. Zehazki, Hottetereren “Sarabande”, Hertzainak-en “Aitormena”, Skalariak-en “Jaia”, “Brian Borrus March”, Mikel Laboaren “Elgeta”, Negu Gorriak-en “Radio Rahim”, Sukil Etxenikeren “Ikasleak”, Xabier Leteren “Habanera”, Lady Gagaren “Bad Romance”, Alaitz Teletxearen “Agur” eta Kepa Junkeraren “Bok Spok” joko dituzte.