Norbere etxean irabaztea zaila izaten da baina horixe lortu du Berako saskibaloi talde nagusiak. Toki Ona Bortziriak saskibaloi taldeak antolatu du Nafarroako lehen mailako lauko finala asteburuan Beran eta liga irabaztea lortu du. Igandeko final estuan 70-67 irabazi zion Universidad de Navarra taldeari.
Bezperan, finalerdiak jokatu ziren. Lehenbizikoan, luzapena eta guzi behar izan zuten Universidad de Navarra eta CBSA El Navarrico San Adrian taldeek. 58na berdindu zuten arauzko denboran, baina luzapenean unibertsitatekoak nagusitu ziren, 68-65. Toki Ona Bortziriak taldeak errazago hartu zuen mendean Berriozar, 82-60. Final handian, aldiz, gibeletik ibili ziren beratarrak eta hirugarren laurdenean bazirudien Iruñera joanen zela liga, baina azken laurdenean markagailuari buelta eman eta irabaztea lortu zuen Toki Ona Bortziriak taldeak. Hirugarren posturako lehian, Berriozar nagusitu zitzaion San Adriani.
Gainerakoan, areto-futboleko partida garrantzitsua ere jokatu zuen Gure Txokoak larunbat arratsaldean Toki Onan. Euskal Ligara igotzeko aukera zuen Horbel Tabernari irabazita, baina azkenean hernaniarrak nagusitu ziren.
FUTBOLA
Gipuzkoako Ohorezko Mailan
Urola 1 - Beti Gazte 2 (Gorka Felipe)
Gipuzkoako Erregionaleko lehen mailako igoera fasean
Gure Txokoa 0 – Mutrikuarrak 1
Gipuzkoako Erregionaleko lehen mailako kopan
Beti Gazte B 0 – Mariño B 1
Nafarroako Erregionaleko lehen mailan
CD Lagunak 2 – Doneztebe 0
Iruntxiki de Beriain 5 - Aurrera KE 3 (Luis, Jon eta Joseba)
Gipuzkoako jubenilen lehen mailako igoera fasean
Touring 1- Beti Gazte 3 (Jon Etxebesteren golak hiruak)
Nafarroako jubenilen bigarren mailako igoera fasean
Doneztebe 1 (Emilio Zabala) – CD Itaroa Huarte 2
Baztan – CD San Miguel
Gipuzkoako kadeteen Ohorezko Mailako kopan
Beti Gazte 4 (Koldo Ordaxek 2, Kevin Alogo eta Ibon Txoperena) – Hondarribia 1
Nafarroako kadeteen bigarren mailako igoera fasean
Berriozar CF 1 – Doneztebe 1 (Javier Ostiz)
Nafarroako infantilen lehen mailako kopan
Baztan – CD San Cernin
CD Aoiz 2 - Beti Gazte 1 (Urki Txoperena)
Doneztebe 1 (Eloy Garcia) – FC Bidezarra 3
ARETO-FUTBOLA
Gipuzkoako lehen mailan, Euskal Ligarako igoera faseko finalerdia
Gure Txokoa 4 – Horbel Taberna 5. Euskal Ligara igotzeko aukerari agur erran dio Berako taldeak.
Nafarroako gizonezkoen maila berezian
Atekabeltz KE – CD Najbolji
SASKIBALOIA
Senior mutilak 1. Maila autonomikoan
Lauko finala jokatu da Berako Toki Ona kiroldegian
Finalerdiak
Universidad de Navarra 68 – CBSA El Navarrico San Adrian 65 (58-58)
Toki Ona Bortziriak 82– Berriozar MKE 60
Finala
Toki Ona Bortziriak 70 – Universidad de Navarra 67. Berako taldea ligako txapeldun.
Hirugarren postua
Berriozar 69 – CBSA El Navarrico San Adrian 46