Arkupeak Elkarteko jubilatuek ez dute etenik, eta bidaiak eta bertzelako jarduerak bat betzearen gibeletik datoz. Astelehenean, adibidez, maiatzak 14, 54 bazkidek Benidormerako bidea hartu zuten eta maiatzaren 26ra arte han ibiliko dira. Eta handik etorri orduko, maiatzaren 30ean Larunera ateraldia antolatu du Arkupeak-ek. Ondotik Sarako lezeak bisitatuko dituzte eta gero Zugarramurdin elkartuko dira bazkaltzeko eta Joxeanjelen musikarekin gorputza astintzeko. Nahi duenak Sorginen Museoa eta lezeak bisitatu ahal izanen ditu.
Laugarren boletina
TTIPI-TTAPA hau argitaratzerako, seguruenik hurrengo ateraldien berri emanen duen boletina bazkideen eskuetan egonen da. Mendizaleentzako Aragoiko pirinioetara irteera, Aralarrera, Bilbora, Parisera, Arantzazura edo Lezora joatea aurreikusi dute. Bertzelako informazio osagarria ere ekarriko du.