Besta egun berezi bat antolatzen ari dira herrian. Denok ezagutzen dugu bertako eskulangilea den Bittoriano Arzuaga, artilea eskuz egiten du eta herriz-herri ibiltzen da. Hari hori tiraka, betiko eskulangintza ikusteaz gain, bere etorkizunari ere lagundu nahi zaio, ahal den neurrian eskulangintza berria ere indartuz. Eta helburu horrekin, eskulangintza azoka antolatuko da ekainaren 16an, inguruko lan eta ekoizpenekin.
Artilea da Bittorianok lantzen duena eta hortaz, ardiaren inguruan bertze erakusketarik ere izanen da, aspaldiko moduan ilea moztea, erraterako. Hau horrela izanda, bidezkoa da Bittorianori omenaldi bat egitea, lan horri eusteagatik eta gure herria kanpoan pixka bat ezagutzera emateagatik.
Gainera, berrikuntzaren haritik, artista ezagun bat ere hemen izatea espero dute antolatzaileek, betiko eskulana eta artearen arteko uztarketa bat egiteko asmoz. Eta noski, besta girorik ere ez da faltako, bazkari, musika, bertsolari eta abarrekin. Edozein moduz, hurrengo aleren batean izanen duzue egitarau zehatzaren berri, baina bitartean, kontuan hartu egun hori zuen agendan!