Lehendabiziko aldia izan arren, aste kulturalak jende andana elkartu du. Lehendabiziko egunean, pasta tailerrean, haur kuadrilla elkartu ziren eta pasta goxoak egiteko aukera izan zuten, baita pasta goxoak dastatzeko ere.
Bigarren egunean, serigrafia tailerrean ere, kamiseta eta galtzetan mota guztietako marrazkiak jartzeko aukera izan zuten, eta neska-mutikoek primeran pasatu zuten.
Taloek ere jende aunitz elkartu zuten eta kantu zaharrak kantatzeko ekimenak ere partehartze haundia izan zuen. Mus txapelketara ere animatu zen jendea eta txapeldunak Iñaki eta Igor izan ziren. Beraiek izanen dira Zubietan maiatzaren 26an jokatuko den Malerrekako finalean Donamaria ordezkatuko dutenak.
Larunbatean, goizean goiz, 40 bat lagun elkartu ziren mendi ibilaldira joateko. Gauean egin zen bertso afarian ere herritar aunitz bildu zen. Bertso saio polit baten ondotik, besta bikaina egiteko aukera ederra izan zen Migel Anjelen laguntzarekin.
Berriz ere eskerrak eman behar dizkiegu Malerrekako Mankomunitateari, IMTri, Donamariako Benta jatetxeari eta Donamariako Herriko Ostatuari.