Maiatzeko lehenbiziko asteburuan urteko asanblada orokorra egin zuen Zorroiloak elkarteak. Urteko kontuen berri eman eta egin diren jardueren informazioa eman zen, bertzeak bertze. Hortaz aparte, aurten junta berritzea ere tokatu zen. Laurogeita hamahiru kidetik hirurogeita lauk bozkatu zuten.
Zazpi kargu bete behar ziren eta zazpi hautatuak hauek izan ziren: Santos, Paulino, Martixpe, Ainhoa, Ana, Javier eta Mattin. Baina ez ditugu ahaztu behar azken bi urteetan egondu direnen izenak: Maite, Kris, Manuel, Joxelu, Luzio, Martintxo eta Iñigo. Eskerrak eman behar zaizkie bi urte hauetan egin duten lanagatik, listoia edo muga hagitz goian jarri baitute. Lerro hauen bidez, agur bero bat denon partetik. Eta ongietorria kide berriei, gogoz beterik ikusten dira eta ziur ongi egiten saiatu