Cederna-Garalur elkarteak sustatuta Donezteben egin den komunitatearen dinamizazioari eta turismoari buruzko enplegu-tailerraren amaiera-ekitaldia egin zen apirilaren 30ean.
Enplegu-tailer hau Nafarroako Gobernuak Nafarroako Enplegu Zerbitzuaren bidez bultzatu eta finantzatu du, Cederna Garalur Elkarteak sustatu du, Estatuko Enplegu Zerbitzu publikoaren eta Europako Gizarte Funtsaren finantziazioarekin. Doneztebe, Lesaka, Baztan eta Berako Udalek ere babestu dute, eta Prestakuntza, Birziklapena eta Enplegurako Nafarroako Institutuko Sustapen eta Garapen Unitatearen aholkularitza teknikoa izan du. Tailerra azaroan hasi eta apirilaren 30ean izan zen amaiera-ekitaldia, Jose Javier Esparza Nafarroako enplegu Zerbitzuaren zuzendaria eta Jose Maria Aierdi Cederna Garalur Elkartearen lehendakaria tartean zirela.
Baztan-Bidasoko 15 lagunek jaso dute prestakuntza kultura- eta turismo-proiektuak dinamizatzeko eta kudeatzeko, eta, horrela, aukera izateko lan-merkatuan txertatzeko turismoa eta kultura lantzen dituzten enpresen edota zonaldeko toki-erakundeen bitartez. Praktikak ere egin dituzte erakunde, elkarte eta enpresetan.
Bertizko Partzuergoa kontent
Bertizko Partzuergotik azaldu dutenez, hiru emakume gazte Partzuergoko teknikoekin elkarlanean aritu dira ohiko lanetan eta Partzuergoa kontent gelditu da.