Apirilaren 30ean egin zen Altxatako batzar orokorra eta egindako lanen eta hurrengo urterako asmoen berri eman zen: Gasna Feria, dantza taldea, pilota eskola, usategietako igandea, San Juan sua, inauteriak… Dagoeneko martxan dira udaberriko pilota txapelketa eta argazkilaritza praktikorako ikastaroa. Bi klase teoriko egin dira maiatzaren 8an eta 11n; argazkiak nola atera eta hainbat teknika azalduz; guztia Gema Arrugaetaren eskutik. Hirugarren eta azken klasea maiatzaren 26an izanen da, goizeko 10etan Kultur Etxean. Animatzen den guztiarentzat gonbita luzatua dago.