LEXNAVARRA Nafarroako Gobernuaren web gune ofizialeko atari publikoetako bat da, eta sorreratik, 2007tik, gaztelaniaz bakarrik eskaini izan du zerbitzua. Nafarroako udaletako langile aunitzentzat lan tresna garrantzitsua da Interneteko atari hori lege aipamenak, lege eguneraketak eta abar bilatzeko, hain zuzen. Eta hala, UEMA Udalerri Euskaldunen Mankomunitateak bultzatuta, Nafarroako 54 udalek, mankomunitate batek eta bailara bateko batzar orokorrak eskaera egin zioten Nafarroako Gobernuari edukiak lehenbailehen euskaratzeko, eta ekainean edukiak euskaratzeko konpromisoa lortu dute Gobernuaren aldetik. Horrez gain, UEMAren arabera, «agindu zuten hemendik aitzinera ere harremanetan egonen zirela, euskararen normalizazioaren bidean Administrazio Elektronikoarekin lotuta dauden gabeziak identifikatu eta konponbideak emateko».
Eskualdeko sinatzaileak
Ainhoa Ansa Aranoko alkatea, Jaime Iturria Arantzako alkatea, Ur Alguero Aresoko alkatea, Garbiñe Elizegi Baztango alkatea, Marisol Taberna Berako alkatea, Antonio Erregerena Bertizaranako alkatea, Francisco Maria Retegi Eratsungo alkatea, Migel Mari Irigoien Etxalarko alkatea, Pablo Miranda Goizuetako alkatea, Lourdes Ibarluzea Igantziko alkatea, Mari Jose Bereau Iturengo alkatea, Oier Eizmendi Leitzako alkatea, Peio Etxabide Lesakako alkatea, Alberto San Migel Malerrekako Zerbitzu Orokorren Mankomunitateko presidentea, Amets Inda Sunbillako alkatea eta Patxiku Mitxelena Zubietako alkatea.