Apirilaren 25ean Hiruak-Bat landetxeen elkarteak antolatuta, Etxalarrera bisita gidatua egin zuten. Ateraldi hau udan gida turistikoak bisitariei zer erakusten dion ezagutzeko izan zen. Patxiku Irisarri udan gida lanak eginen dituenak herriko txoko eta toki interesgarrienak erakutsi ondotik, Iriondoa landetxeak bere bezeroentzat berriki prestatu duen baserriko hainbat tresna zahar eta lanabesez osatutako erakusketa ikusi ahal izan zuten hurbildutakoek. Azkenik herriko ostatuan elkarrekin eta giro ederrean bazkaldu zuten.