Nafarroako Gobernuak 120.000 euroko dirulaguntza emanen du zazpi herritako suhiltzaile boluntarioen parkeendako.
Zehazki, Agoitz, Bera, Leitza eta Lesakako Udalek 16.500 euroko jasoko dituzte; Luzaidekoak 17.000 euro; Izabakoak 18.000 euro eta Goizuetakoak 18.500 euro. Laguntza honen bidez, gastu arruntei eta materiala erosteko inbertsio ttikiei aurre egin ahal izanen diete.
Zazpi udal hauek Nafarroako Larrialdi Agentziarekin elkarlan hitzarmen bat sinatu dute, babez zibileko sistemarekin duten lotura berritzen duena. Honela, larrialdietako ateraldiak koordinatuko dira, batez ere suteen prebentzio eta itzaltzearen eta salbamentuarekin zerikusia dutenak.