Teknologia berrietara egokitzeko lanean segitzen du TTIPI-TTAPAk. Helburu horrekin, azkeneko asteotan bi berrikuntza nabaritu izanen ditu www.ttipi.net webgunearen erabiltzaileak: alde batetik bideoz hornitutako multimedia kanala sortu dela, eta bertzetik, webgunea gailu eramangarrietan errazago ikusteko bertsio berezia aktibatzen dela automatikoki sakeleko telefono edo tableta batetik TTIPI-TTAPAren web orrian sartuta.
Berrikuntza gehiago aste honetan
Aste honetan aktibatuko da multimedia kanala ere tableta eta sakeleko telefonoetako plataforma desberdinetan ikusteko aukera (iPhone, Android, Symbian, WindowsPhone eta Samsung bada), eta horrekin batera, albisteak sare sozialekin lotzeko posibilitatea izanen da gailu eramangarrietatik.