Udaberri honetan, Malerreka osatzen duten hamahiru herriak kontutan hartuz, hamahiru urdaiazpiko zozketatuko ditu Doneztebarrak Merkatarien Elkarteak. Malerrekako eskualdearen alde eginen den ekintza izanen da honakoa. Hortaz, zozketatuko diren hamahiru urdaiazpikoek inguruko hamahiru herrien izena izanen dute.
Zozketa apirilaren 30ean eginen da eta parte hartzeko apirilaren 16tik 28ra merkatarien elkarteko bazkide diren dendetan ematen diren tiketetan izen-abizenak, herria eta telefonoa apuntatu eta bertan egonen den kutxan sartu behar dira.
Zozketa eguna Udaberriko Azokaren eguna izanen da. Egun horretan 10:00etatik 19:30era Santa Luzia plazan egonen dira merkatariak eta 18:00etan eginen dute zozketa.
Parte hartu eta ea zein herritako urdaiazpikoa tokatzen zaizun! Zorte on!
Aipatu, bertzalde, herriko ostatuek antolatuta, bosgarren Pintxo Lehiaketa ere egun horretan eginen dela.
Norbere publizitatea diseinatzeko
Nafarroako Merkataritza Federazioak antolatuta, norbere publizitatea diseinatzeko ikastaroa egiten ari dira astelehenaz geroztik. Maiatzaren 11ra bitarte, 40 orduko ikastaroa eskainiko da Enplegu Bulegoan, 14:30etik 16:30era.