Asteburu Kultural konpletoa

Ekitaldi franko izan ziren Asteburu Kulturalean ikusteko eta gozatzeko eta horieta­ko batzuk aipatuko ditugu. Ortziral arratsean, Xaloa, Xorroxin eta TTIPI-TTAPAren aldeko mus txapelketa egin zen Ulibeltzak Elkartean eta 15 bikotek eman zuten izena. Niebes eta Mª Angeles izan ziren txapel­dunak; Jose Migel eta Jose Luis txapeldunordeak; hirugarrenak Jorge eta Angel izan ziren eta laugarre­nak Maria eta Agurtxane. Biharamun goizean patata tortilla lehiaketa izan zen eta bortz taldek parte hartu zuten. Gaztetxoak ere animatu­ ziren, baita irabazi­ ere. Angel Mariez­kurrena eta Niebes Biurrarenak osatu zuten epaimahaia. Ulibeltzak Elkartean egindako bazkarira 25 bat lagun joan ziren. Gero, alde batetik, ginkana egin zuten gazteek eta bertzetik, haurrek hainbat ekintzetan parte hartzeko­ aukera izan zuten­. Alde batetik, marrazki lehiaketa egin zen eta 31 partehartzaile izan ziren. Lehenbizi­ko­ mailan (Haur Hezkuntzatik Lehen Hezkuntzako 2. maila­ra) Helene Rekarte­ izan zen irabazle eta Lehen Hezkun­tzako 3. mailatik 6. mailara bitartekoan Jon Iriar­te Mikeperizena nagusitu zen. Angel Mariezkurrena, Rakel Urtxegi eta Maider Petrire­nak osatu zuten epaimahaia eta maila haundiko lehia­keta izan zen. Gero, merendua eta marrazki lehiaketako sari banaketak egin ziren. Haur ttikiendako jokoak­ ere izan ziren eta herriko antzerki taldearen emanaldi hagitz polita ikuste­ko auke­ra ere izan zen. Ilunabarrean triki poteoa egin zen eta tortilla patata lehiaketa­ko pintxoak dastatzeko aukera ere izan zen. Igandean, berriz, merkatua eta gazta lehiaketa izan ziren. Giro onean joan zen eguna eta jende andana ibili zen. Gazta le­hiaketara bederatzi gazta aurkeztu ziren eta irabazleak Miguel Anzizar eta Koro Elizondo izan ziren. Bigarren Josefina Jorajuria gelditu zen eta hirugarren Primenekobordako gazta. Mañoli Agirre, Arkaitz Vicente eta Rakel Urtxe­gik osatu zuten­ epaimahaia. Horrez gain, zozketatu zen saskia Bilboko Isabelendako izan zen.