Martxoaren 23an Landagain eskolako 68 ikasle eta 11 irakasleak zuhaitzak landatzera joan ziren. Joan den urteko lekuaren ondora joan ziren aurten ere; hau da, Olako bordatik pixka bat gorago. Goizeko 9etan atera ziren eskolatik (ttikienak kotxean joan ziren eta gainerakoak oinez). Aipatu beharrekoa da gurasoen laguntza kotxeetan goiti joateko eta bai zuhaitzak landatzerako orduan ere, baita Jose Angel eta Patxikurena ere, zuhaitzak (haritzak, elorri xuriak…) eramaten eta landatzerako orduan. Lana akautu ondotik, Guraso Elkarteak eskainitako luntxa izan zuten. Bakoitzak eramandako bazkaria jan ondotik berriz herrira itzuli ziren.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun