Bertze urte batez Udalak turismo bulegoa ireki du Kultur Etxean, Bertiz Partzuergoaren laguntzarekin eta aurten, 87 lagun pasatu dira bertatik. Apirilaren 3an egindako langile aukeraketa elkarrizketen ondotik, Irantzu Pastor lesakarra egon da bulegoan informazioa ematen eta udan ere bera egonen da.
Aitzineko urtean baino aunitzez ere jende guttiago ibili da. Gehienbat, hala ere, ortzegun eta larunbatean izan zen. Hurbildutakoen artean, gehiengoa Bizkai, Zaragoza, Nafarroa eta Arabakoak ziren, baina Madril, Alikante, Bartzelona, Burgos, Gipuzkoa eta Valentziako turistak ere etorri ziren. Eguraldiak ez zuen batere lagundu, baina herriko alojamendu guztiak bete ziren.