Grebak eskualdea geldiarazi du

Lan erreformaren aurka martxoaren 29an deitutako greba ia erabatekoa izan zen eskualdean eta lan arlo guztiak geldia­razi zituen. Herriko Etxee­tako udal bulego ge­hie­nak itxiak egon ziren, nahiz arlo publikoan derrigo­rrezkoak diren guttie­ne­ko­ zerbitzuak eskaini.

Industria-komertzioak

Bortzirietan kasik erabatekoa izan zen greba. Alco, Zalain, Funvera, Savera, Martiko eta Hidroru­bber Iberica itxita egon ziren, Composites Gu­rean­ sekzio buruak izan ezik produkzio geldirik eta itxi­ta. Arcelorren, «nagusi baten bisita dela eta mehatxuen bidez linea bat martxan jarri zuten txanda batera­ko 10 langileekin, baina gero erretena bertzerik ez zen gelditu», adierazi zute LAB­etik, baina Legasa­ eta Lesakako planten artean langileen %98ak greba egin zuen. Lantegien artean salbuespen baka­rra Berako Palmade­ra izan zen, ELAren arabera.

Donezteben bi indus­trialdeak, Mendi Txuri lantegia barne, itxi zituzten. Aparan geldirik egon zen, baita Emauseko Trapuketariak ere eta Baztan-Bidasoa anbulantziak guttieneko zerbitzuak eskaini zituen. Doneztebeko komertzioak ere ia erabat itxia zituzten eta gainontzeko herrie­tan­ denda guztiak itxi­ zituz­ten.

Baztanen Marmoles del Baztan eta Harri Lan geldirik egon ziren, eta La Baztanesa autobusak guttieneko zerbitzuekin. Elizondoko dendak ere ia erabat itxiak egon ziren­.

Leitzan ere itxita egon ziren Sarriopapel eta ia komertzio guztiak ere bai.

Irakaskuntza

Irakaskuntzan ere grebaren segida ia erabatekoa izan zen. Baztango herrietako eskoletan, irakasle guztiek greba egin zuten. Elizondoko eskolan irakasleen %93k greba egin zuen. Lanbide eskolan guttieneko zerbi­tzuak eskaini zituzten eta Lekarozen irakasleen %82ak eta ikasleek %99ak greba egin zu­ten.

Donezteben 36tik 30ek greba egin zuten. Bor­tzirietako ikastetxe pu­blikoetan grebaren se­gida erabatekoa izan zen, guttieneko zerbitzue­kin. Gauza bera gertatu zen ikastoletan ere. Bera­ko Je­susen Bihotza esko­lan lau irakaslek greba­ egin zuten, eta gainera­koan­ klaseak eman zituz­ten.

Leitza eta Goizuetako ikastetxeetan erabatekoa izan zen grebaren segida­.

Mobilizazioak

Herriz herriko kon­tzen­tra­­­­zioez gain, manifestazioak egin ziren. 400 bat la­gunek parte zuten eguerdian Beran­ egindako ma­nifestazioan. Elizondokoan 500 bat lagun elkartu ziren eguer­dian. Bietan Bertze­ eredu sozial bat posible da leloa zera­man pankartarekin ibili ziren. Arratsal­dean, LAB, ELA eta EHNE­­­k deituta es­kualdeko ma­nifes­ta­zioa egin zen Donezteben. 400 bat lagun bildu ziren, Erre­for­ma­­ eta inpo­saketarik ez, Euskal langileok greba orokorra zioen pankar­ta­ren gibelean. Leitzan, arratsaldeko ma­nifesta­zioan 400 bat bildu ziren, Inposaketen au­rrean burujabetza, euskal Herriak erreformari ez! zioen­ pankartarekin.