Xaloa Telebista, Xorroxin Irratia eta TTIPI-TTAPAren aldeko mus txapelketaren finala apirilaren 14an, larunbat arratsaldeko 16:00etatik aitzinera jokatuko da Sunbillako Ulibeltzak elkartean. Dagoeneko herri guzietan erabaki dira finalistak zein izanen diren.
Finalistak hauek dira: Maitane eta Imanol Etxeberria (Arizkun –8 bikote–), Jose Mª Azkarraga eta Migel Mari Ariztia (Azpilkueta –8 bikote–), Lorenzo eta Jose Luis Oskoz (Almandoz –16 bikote–), Juan Jose Alunda eta Luis Migel Mortalena (Arraioz –8 bikote–), Jose Migel Cordoba eta Joseba Irigoien (Erratzu –11 bikote–), Jose Altxu eta Joxemi Arizmendi (Oronoz –7 bikote–), Elena Danboriena eta Anika Maritorena (Berroeta –2 bikote–), Jose Mª Etxepeteleku eta Begoña San Julian (Lesaka –4 bikote–), Asier Saragueta eta Patxiku Artieda (Bera –6 bikote–), Jabier Galarregi eta Iñaki Danboriena (Etxalar –8 bikote–). Donamariako txapelketan Alfredo Mendiberri eta Angel Mari Larraburu izan ziren txapeldun. Igantzin Sirera aita-semeak izan ziren txapeldunak, baina hauek Sunbillara hurbiltzerik ez denez, txapeldunordeek, Xeberino eta Ramontxo Retegik jokatuko dute. Arantzan 12 bikotek parte hartu zuten eta Petrisenekobordako Antonio Maiz eta Lurdes Goñik irabazi zuten. Sunbillako txapelketan 15 bikotek eman zuten izena. Niebes eta Mª Angeles izan ziren txapeldunak; Zubietako Herriko Ostatuan zortzi bikote bildu ziren eta horien artean, Txomin Uhalde eta Hilario Mutuberria nagusitu ziren. Zugarramurdin hamar bikote aritu ziren eta txapeldunak Iñigo eta Kaiet izan ziren. Hauetaz gain, Baztango zenbait herrietan eta Urdazubin txapeldun suertatutakoak ere izanen dira.
Arestian aipatu bezala, herri bakoitzeko irabazleen artean finala eginen da apirilaren 14an Sunbillako Ulibeltzak Elkartean, 16:00etan.