Nafarroako Ehiza Elkarteak antolatuta, basurde arrastoko zakurren proba egin zen apirilaren 7an, larunbatean, Ezprogui-Sabaizako eremuan. Iker Arraztoa iruritarra eta Kuper bere sabueso arrazako zakurra hirugarren izan ziren.
Haizeari, hotzari eta hezetasunari aurre egin behar izan zioten zakurrek eta monteroek basurde arrastoei segitzeko. Proba honetan zakurrak lotuak eramaten dituzte eta bere ezaugarriak erakutsi behar dituzte. Goizeko saioen ondotik, hiru lagun ailegatu ziren finalera. Azkenean, zazpi orduko lanaren ondotik, Iraizozko Carlos Rekalde suertatu zen garaile, Lista zakurrarekin. 250 puntu eskuratu zituen. Bogarren postua, Lantzeko Ioseba Ariztegirentzat izan zen, Jara zakurrarekin. 247 puntu eskuratu zituen. Hirugarren postua, puntu kopuru berarekin, Iruritako Iker Arraztoa Albistur eta Kuper zakurrarentzat izan zen. Podiumeko hiru zakurrak sabueso arrazakoak ziren, baina Kuper zen ar bakarra.