Irteerak, hitzaldiak, ikastaroak, txapelketak... Gisa guztietako ekimenak antolatzen dituzte Arkupeak jubilatuen elkartean. Apirilaren 11n, erraterako, Ordiziako asteazkenetako merkatura bisita egitekoa dute, eta biharamunean, apirilak 12, Soinketa edo Gimnasia Eguna eginen dute Berako kiroldegian. 12:00etan hasiko da soinketa erakusketa eta 14:15 aldera bazkaria izanen dute Zubiondo jatetxean. Arratsaldez dantzaldia izanen dute.
Ez dira hauek apirileko ekimen bakarrak izanen. Izan ere, apirilaren 17tik 25era Andaluzia aldera joanen dira.