Egoera zailen konponbidea adineko pertsonekin: kasu azterketak. Izenburu horixe du Bidelagun elkarteak antolatu duen ekimenak. Hiru orduko lantegia da, eta boluntarioei, adineko pertsonen zaintzaileei, zahar etxeetako langileei, etxez-etxeko langileei, Osasun Etxeko langileei eta, orokorrean, familiei zuzendua dago.
Ikastaroa apirilaren 26an izanen da, ortzegunarekin, Elizondoko Bidelagun elkartearen egoitzan, 17:00etatik 20:00etara. Mirentxu Goienetxe eta Ainhoa Arburua izanen dira hizlariak.
Interesatuek ortziral hau, apirilak 20, izanen dute izena emateko azken eguna. Horretarako 948 591327ra deitu behar dute edo bidelagun@ hotmail.com helbide elektronikora idatzi. Dohainik da.