Bittoriano, Petra, Nati eta Triniren erranak bildu dituzte ahozko ondarearen lanean

Malerrekako Ahozko Ondarearen lanean lau urroz­tarrek hartu dute parte, Maite Lakarrekin elkarrizketa eginez. Bi­ttoriano eta Pe­tra Arzua­ga, Nati Telle­txea eta Trini Grajirena izan ziren Maiteri lehengo bizimodua kontatzen aritu zirenak hainbat orduz. Eta Malerrekan egindako bertze elkarrizketekin osatutako lana martxoa­ren 24an aurkeztu zuten Donezteben. Ekitaldi polita izan zen, lan ho­rren laburpen ttiki bat ikusi ahal izan zen, ez hain aspaldiko kontuak entzuteko aukera, gauzak hain azkar aldatzen diren garai hauetan, ia galduak diren hainbat usadio, kontu eta abar gogora­tzeko. Berriki arte sutondoan, karrika baz­ter, ostatuetan, ahoz-aho pasatzen ziren kontuak, gaur egun DVDan bedere ikasi behar. Hain zuzen, parte har­tzaile guztiei eske­rrak­ eman eta euren elkarrizketaren grabazioa oparitu zitzaien.