Erreka Kirol Elkarteko kadete mutilak eskubaloi denboraldi bikaina egiten ari dira: lehendabiziko, Txapeldunen Faserako sailkatzea lortu zuten. Orain, apirilaren 20tik 22ra Nafarroako lau talde hoberenen artean ligaxka jokatuko da ligako txapelduna zein den erabakitzeko, eta lau horien artean egoteko aukera haundiak dituzte Errekako kadeteek, Txomin Mindegia, Jabiertxo Almandoz eta Juan Telletxearen aginduetara ari diren mutilek.
Gogoratu, talde honetako bi jokalari, Iñigo Oskoz eta Jabier Apeztegia, urtarrilean Murtzian ibili zirela Espainiako Eskubaloi Txapelketan, Nafarroako Selekzioarekin.