Senpereko Spuc lasterketa taldeak antolatuta, martxoaren 11n egin zen Senpereko lehendabiziko traila, 21,1 kilometroko lasterketa. Eta lehendabiziko aldia izateko, 298 lagunek bukatu zuten Ibarrungo pilota plazatik abiatu zen lasterketa.
Ionut Cinca izan zen bizkorrena, ibilaldia osatzeko 01:39:18ko denbora behar izan zuelako, Claude Escots sailkatu zen bigarren (01:45:44) eta Martxel Bereau hirugarren (01:47:18).
Emakumeetan azkarrena, berriz, Ana Rosa Conde izan zen (01:52:46), Claire Dubes bigarrena (02:09:34) eta Maud Conbarieu hirugarrena (02:12:05).
Eskualdeko lasterkariei dagokienez, Sara Korrika, Senpereko SPUC eta Berako Manttale taldeko 27 lagunek osatu zuten ibilbidea. Horien artean bizkorrena, Sara Korrika taldeko Didier Suertegarai izan zen (23. sailkapenean), eta Phillippe Vacquie eta Fabrice Latapy taldekideak izan ziren eskualdeko hurrengoak, 28. eta 29., sailkatu ziren hurrenez hurren.
Lasterketaren ondotik, bazkaria izan zen.