Nafarroako Gobernuak berriki argitaratu du herrietako biztanleen kopurua. Urtero jakitera ematen den datua dugu hau, eta azkeneko bortz urteetakoak kontutan harturik, gure bi herri hauetan martxa arras diferenta ikusten da.
Gora-beherekin, baina Urdazubiko biztanleria aunitz igan da: duela bortz urte 348 biztanle ziren, aurten, berriz, 388. Zugarramurdin, berriz, 226 biztanleetatik 211ra jautsi gara.
Bistan da zifra hauek ez direla arras errealak, adibidez, badaude Zugarramurdin bizi direnak baina Udaleko erroldan sartuak ez direnak; eta alderantziz ere bai: kanpoan bizi direnak baina Zugarramurdin erroldatuak.
Eta biztanle aunitz edo gutti izateak zer inportantzia dauka? Ba, adibidez, dirulaguntza batzuk hartzeko horren arabera izaten da, zenbat eta jende gehiago orduan eta diru gehiago ematen dute. Edo eskoletan matrikulatuta dauden haurren kopurua ere izigarri inportantea da eskola edekita atxikitzeko. Gauza bera mediku kontsultarako.