Aldapa frontoiak 30 urte bete dituela eta, aitzakia polita bilatu dute zenbait gaztek pala txapelketa bat prestatzeko. 16 urtetik gorako edozeinek eman dezake izena. Binaka aritzeko da, eta partidak ortziraleetan izanen dira, arratsalde-ilunabarrean.
Kategoria bakarra izanen da, eta bi finalak sanjuanetan jokatuko dituzte, herriko festetako lehen egunean. Finaleko partiden ondotik, afaria eginen dute plazan.
Animo, neska-mutilak, sari ederrak daude eta: urdaiazpiko bana eta bina botila ardo. Izena emateko, deitu zenbaki honetara: 948 615005 (Mikel). 10 euro ordaindu beharko ditu biko bakoitzak. Gastuetarako eta saria ordaintzen laguntzeko ibiliko da dirua. Udalak ere lagunduko du 150 eurorekin.