Gogotik ari da lanean Udala joan den azarotik honat. Berriki herriko eragileekin bilerak edo inkesta ttiki bat egitea proposatu du, herriko kezkak eta beharrak biltzeko eta egoeraz solasteko. Udaletik erran dutenez, herriko jende guztiari emanen zaio inkesta ttiki honetan parte hartzeko aukera, bai elkarteei, bai merkatariei, bai enpresei eta bai gainerako herritarrei ere. Denen kezkak jakin nahi baitituzte.
Bestetako bilera
Martxoaren 17an Udalak bilera irekia antolatu zuen Iturengo bestak antolatzeko. Herriko bestak antolatzen jendeak laguntzeko deia egin zuen, denen ideiak eta nahiak bilduz eta parte hartzea bultzatuz, besta herrikoiak izan daitezen.