Heldu diren asteburuetan Bardoak 2012 Nafarroako Taldekako Bertsolari Txapelketako bigarren faseko saioak jokatuko dira eskualdean.
Iturengo Herriko Etxeko ganbaran, ortziralean, martxoak 9, afaria eta bertso saioa izanen dira, 21:00etan. Erauntsi (Iker Gorosterrazu eta Alazne Untxalo iturendarrak eta Amaia Elizagoien oronoztarra) eta Leitzaundi (Miel Mari Elosegi Luze, Iñigo Ibarra eta Iñigo Sagastibeltza) taldeak ariko dira aurrez-aurre.
Martxoaren 17an, Leitzan, bertso saioa jokatuko da 18:30etik aitzinera. Leitzaundi eta Erauntsi taldeak ariko dira nor baino nor.
Egun berean, martxoaren 17an, Igantziko Biltoki elkartean, afaria eta bertso saioa jokatuko dute Rimak Exkaxko (Iñigo Olaetxea eta Estitxu eta Eneko Fernandez lesakarrak) eta Bertze maldikoak (Ainhoa Aranburu, Aimar Karrika eta Oskar Sanz de Acedo) taldeek. 21:00etan hasiko da.
Horiek izanen dira bigarren faseari dagozkion eskualdeko saioak. Finala Leitzan jokatuko da martxoaren 31n.