Erremontelaririk onena izan da otsailean ere

Oriamendi 2010 en­presak hilabetero egiten duen ranking-a­ren arabera, urtarrilean eta otsailean Joxe Etxe­be­rria, Etxeberria III.a, doneztebarra izan da erremontelaririk onena. Etxeberria III.ak jokatutako sei partideta­tik hiru irabazi zi­tuen otsailean, baina galdu zituen hiruetatik bi, tanto bakarragatik galdu zituen. Honela, 36,33 puntu lortu zituen (banaz bertze partidako lor­tutako tantoak). Partida nagusiak jokatzen dituzten erremontisten A multzoan, otsailean ez zen jokalari bat bera ere izan hiru partida baino gehiago irabazi zituenik. Multzo honetan nagusitu zen Etxeberria, Juaristi eta Xanti Utergaren aitzinetik. Utergak 35 puntu lortu zituen. B mul­tzoan, berriz, Oñatz Gon­zalez izan zen onena, jokatutako partida guztiak irabazita 40 puntu lortuz. Biga­rren Matxin VI.a eta hirugarren Urko izan ziren.