Malerrekako Zerbitzu Orokorren Mankomunitateak Iratxe Kontsumitzaile elkartearen bidez eskaintzen duen kontsumitzaileendako informazio bulegoak ekainera arte behintzat martxan jarraituko du. Halaxe adierazi digute Mankomunitatetik.
Dena den, egun hauetan Nafarroako Gobernuak Donezteben kontsumitzaileendako informazio bulegoa zabalduko dela jakinarazi du. Apirilean izanen omen da, eta urte osoan, astean behin, informazioa eta arreta zerbitzua eskainiko omen ditu. Malerrekako Mankomunitatearen eta Gobernuaren arteko akordioaren ondorio izanen litzateke zerbitzu hau, baina heldu den asteko asanbladan tratatu eta onartuko du Mankomunitateak.
Hitzarmen hau urtebetez egonen litzateke indarrean, eta bi aldeek interesa badute, ondoko urteetan segituko luke.