Oriamendi 2010 enpresak hilabetero egiten duen rankingaren arabera, urtarrilean bezalaxe otsailean ere Joxe Etxeberria, Etxeberria III doneztebarra izan da erremontelaririk onena.
Etxeberria III.ak jokatutako sei partidetatik hiru irabazi ditu otsailean baina galdu dituen hiruetatik bik tantu bakar batengatik galdu ditu. Honela 36,33 puntu lortu ditu (banaz bertze partiduko lortutako tantuak). Partida nagusiak jokatzen dituzten erremontelarien A multzoan, otsailean ez da erremontelari bakarrik ere izan hiru partida baino gehiago irabazi dituenik. Multzo honetan nagusitu da Etxeberria, Juaristi eta Xanti Utergaren aitzinetik. Utergak 35 puntu lortu ditu.
B multzoan berriz, Oñatz Gonzalez izan da onena, jokatu dituen partida guziak irabazita, beraz, 40 puntu lortu ditu. Bigarren Matxin VI eta hirugarren Urko izan dira.