Urtarrilaz geroztik lehian ibili eta gero, eskuz binakako Malerrekako X. Pilota Txapelketa finalen ataria dago. Larunbat honetan, otsailak 25, jokatuko dira Donezteben.
Guztira 184 bikotek parte hartu dute Erreka elkarteak antolatutako txapelketa honetan, eta zazpi kategoriatan neurtu dituzte indarrak. Orain, ailegatu zaie, azken ahalegina egiteko ordua. Goizean hasiko dira finalak jokatzen.
Bortzirietakoa martxoaren 10ean
Bortzirietako XI. Eskuz Banakako Pilota Txapelketak aitzinera segitzen du, eta laster, finalerdietan sartuko da.
Martxoaren 2, 3 eta 4an erabakiko da zein izanen diren finalistak. Ttikien eta benjaminen A eta B mailakoen finalerdiak Etxalarren jokatuko dira, martxoaren 4an. Alebinen A eta B eta infantilen A kategoriako finalerdiak martxoaren 3an Arantzan jokatuko dira. Eta kadeteen A eta B mailako finalerdiak martxoaren 2an eginen dira, Beran.
Finalerako txartela lortzen dutenek martxoaren 10ean neurtuko dituzte indarrak Lesakan.