Bat-batean zendu eta, joan den otsailaren 9an bere azken egoitzarat segitua izan zen Marie Jeanne Mauchamp, sortzez Arribillaga. Herrian biziki ezaguna zen Arretxea eta San Josep eskoletako irakaslea izan baitzen luzaz, 70ko hamarkadatik 1988ra arte, erretiroa hartu arte. Gainerat, erretiroan ere gazteen artean segitu zuen lanean bereziki ikasteko zailtasunak zituzten ikasleak lagunduz. Urte horietan, ehunka haur pasa dira Madame Mauchamp eskola emailearen eskuetatik. Gazte-gaztetik irakasle izan nahi zuen bere izeba Marie Jeanne Arribillaga irakasle ezagutuaren urratsak segitzeko. Sorterriari, fedeari eta familiari biziki atxikia zen eta berriki aktualitaterat itzuli zen pixka bat Arribillaga familiaren kantu bilduma aberatsa plazaratu zuelarik herriko zonbait kulturazalerekin. Doluminak.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun