Kalapita haundia iragan zen Ibarrunen joan den otsailaren 14an 40 bat jendarmek herriko bi ahizpa, A.L. 22 urtekoa eta N.L. 21 urtekoa, arrastatu zituztelarik beren burasoen etxean. Biak Segi taldeko kideak dira eta leporatu zieten lotura izatea iaz Senperen berean udako etxe baten kontra gertatu omen zen atentatu saiakerarekin.
5 orduz miatzen
Polizia operazioa goizeko 6etan hasi zen: bi ahizpak atxilotu, etxea eta autoak miatu, eta ordenagailuak eraman zituzten jendarmeek. Goizeko 11ak aldean, bi ahizpak etxetik atera zituzten eta orduan Ahetzeko bidean elkartasunez bilduak ziren ezker abertzaleko hogoi bat lagun urruntzeko gas negargarriak bota zituzten jendarmeek. Argazkilari batek ere gas mingarria irentsi zuen. Bi ahizpak Paueko jendarmeriarat eraman zituzten galdeketak egitera, baina biharamun gauean berean zaharrena libro utzi zuten kargurik gabe. Gazteena, ahatik, Pariserat eraman zuten otsailaren 16an. Burasoak eta gazte baten mutil-laguna ere entzunak izan dira polizia etxeetan.
Atxiloketak gertatu zirenetik elkartasunezko elkarretaratze jendetsuak egin dira Herriko Etxearen aitzinean.