Egur loteak eskatzeko Udalak irekitako epea akitu da eta 51 etxebizitzetatik jaso da eskaera. Behin egurra zeinek nahi duen jakinda, hemendik aurrera, eguraldiak uzten duen neurrian, Udala egur loteak ateratzeaz arduratuko den enpresarekin harremanetan jarriko da lanak noiz hasi zehazteko.
Gogoratu, Udalak egindako enkantearen ondotik, Sunbillako Altzuri enpresari esleitu zizkiola lanak. Alkaxuri alderditik aterako ditu egur loteak eta egur tona bakoitzeko 29,10 euro kobratuko da.