Kantu zaharrak kantatzea gustuko dutenek aukera ezin hobea izanen dute martxoaren 10ean gure herrian, Ariztigain kanpinak Kantu Zaharren Eguna antolatu baitu egun horretarako.
14:00etan bazkaria izanen da, eta aipatu, izena emateko azken eguna martxoaren 6a, asteartea, dela. Kanpinera deitu beharko da (948 450540). Bazkariak 32 euro balio ditu eta bazkaria eta arratsaldeko pintxoen truke 40 euro ordaindu beharko dira.
Bazkaldu ondotik, arratsalde guztian kantu zaharrak abesteko tenorea izanen da, Frantzisko akordeoilariaren laguntzarekin. Anjel Mariezkurrenak eta bere taldeak eginen dute kantuen gidari lana.
19:30 aldera pintxoak izanen dira indarberritu eta kantuan segitzeko.