Joan den urtarrilaren 25ean hasi ziren Baztaneatik Ansoneara doan bidea zabaltzeko lanak egiten. Guztiz beharrezkoa zen obra hau egitea, bestela, kamioiak modu arriskutsuan pasatzen baitziren herriko eremurik altuenera.
Obra hauek 93.000 euro kostako dira eta Udalak Mariezkurrena enpresari esleitu dizkio lanak. Bi hilabete iraunen dute. Aipatzekoa da, krisi ekonomikoaren eragina nabaria dela. Izan ere, Udalak enkantea egin zuenean hamar enpresa aurkeztu ziren deialdira. Horietako batzuk Iruñekoak, Erriberakoak eta Gipuzkoakoak dira.